كتبت/بسمه عطيه
اسمك ايه؟اسمى امين
طب متقولى حكايتك ايه
بص يابيه
هو شتمنى ب ابويه وامى
اه وبعدين
قمت قايلوه متشتمنيش
اه يا امين
قمت مطلع بس الفرد
بس اكيد مش هضرب حد
راح طار هو فى السما مترين
اه وبعدين
جاتله رصاصه
معرفش منين
انا كده غلطان يا خونا
انا بحميه وهو بيتجنى
افهموا منى يا بنى ادمين
اه وبعدين
انا من تهمتكم مصدوم
هو الظالم وانا مظلوم
عامل ميت وبيستهبل
وانتوا بكذبه مقتنعين
